香噴噴鰻魚飯

[Jun 2024🇯🇵 #Tokyo] Day 1 - 放低行李後就去咗呢間專門食鰻魚嘅餐廳食午餐/下午茶｡｢伊豆榮｣係一間百年鰻魚老店,我去嘅上野總店由我住嗰間酒店行過去只需要5分鐘｡非繁忙時間去到唔洗等位(同埋好似只係開放地下用餐區),但都有一半以上嘅人｡ 由於我太肚餓嘅關係,喺冇好仔細研究餐牌下就叫咗個鰻魚蓋飯 套餐(松 - JPY3,630)｡套餐包括一碗細麵豉湯及漬物｡鰻魚份量有110g,屬最細份量嘅,對我嚟講真係夠食｡伊豆榮嘅燒鰻魚製作過程都幾繁複,先以木炭燒,再以蒸嘅烹調方式將鰻魚裡嘅脂肪移除,最後嘅步驟就係塗上醬汁再燒｡店家標榜醬汁係冇任何糖,成分只有味醂及醬汁｡鰻魚帶有少少焦香,醬汁嘅味道對我嚟講啱啱好,唔使再額外添加｡我只係灑上少少山椒粉為鰻魚提升味道｡ #UCreator#日本好去處#旅行美食#東京#鰻重#鰻魚#相機食先